公司搞外賣飛機餐呢壇野其實都幾痴線
美其名就話替社區打打氣 提供外賣午餐有助保持社區距離
實際上同最近再度縮減航班人手一樣
見到班員工工作量遞減
公司覺得好蝕啊~
晚晚好似畀蟻咬咁訓唔著啊~~!
呀~~~!!
佢好大壓力架嘛~~~~
不過戴番個頭盔先
又真係有d人 甚至乎同事都好鐘意食飛機餐嘅
百貨應百客
你地開心就好
反而我覺得最癲嘅係個menu…
喂... penne pasta喎...
PENNE PASTA喎!
長年位居飛機餐滯銷榜頭三甲
(停留得仲耐過公司係最佳航空公司榜上面嘅時間)
人稱38000呎嘅澱粉水喉通
Oven入面永遠的A0
一眾機艙服務員嘅惡夢具現化料理
P E N N E P A S T A 喎 ! !
老老豆豆公司究竟責住幾多蟹貨
要用呢個方法黎散梗d長通粉
不如佢攞去上面賑災 畀人地當浮條用算啦
既做到好事 又有得加分
唔好係度害東涌人d仔女啦! 😫
Search